Bomenetša le letsogo le kobong

Ga nke re kgopela, amogela, go fa, go aba goba go dumelela tsogo le kobong la mohuta ofe goba ofe, go akaretša tshepedišo ya ditefo. Tsogo le kobong le ka ba ka mokgwa wa dimpho, boithabišo, leeto, go saena diponase, go fa mošomo, ditefo goba ‘ditefelo’, dikadimo, ditefo, ditefišo, dikabelo goba thekgo

Re tiišetša gore re šoma feela le badirišane ba kgwebo bao ba ikgafago go swana le rena ge go tliwa go maitshwaro le mekgwa ya kgwebo

Re tiišetša gore dimpho ka moka le boithabišo di ka moya wo mobotse, ga di dirwe gantši, di a kwagala le tša maleba le gore ga se tša fiwa ka maikemišetšo a go huetša go tšea sephetho ga moamogedi goba hwetša kholego yeo e sego ya nnete

Re dula re le šedi kudu ditirišanong tša rena tša kgwebo le bahlankedi ba setšhaba go phema kgopolo efe goba efe ya bomenetša, go akaretša phetošano ya dimpho le boithabišo le bona

Ga re kgathe tema go lesolo lefe goba lefe la dipolotiki, mokgatlo, motšeakarolo goba mekgatlo yeo e ngwadišitšwego

Re dira dipakane tša kgwebo ya nnete gape ga re bee batho ba rena kotsing ka letsogo le kobong le bomenetša ka go ba gatelela gore ba fihlelele dilo tšeo di sa kgonegego

Re lemoga badirišane bao ba šomago ka botshepegi le go se ba otle ge ba lahlegelwa ke kgwebo ka lebaka leo.